Rus iş adamı yaxtasını anonim alıcıya 40 milyon dollara satıb

Poliqon xəbər verir ki, Bloomberg agentliyi bu barədə Antiqua və Barbudanın ABŞ-dakı səfiri Ronald Sandersə istinadən yazıb.

Bloomberg-in məlumatına görə, bu məbləğ yaxtanın ilkin qiymətindən təxminən 3 dəfə aşağıdır. Müqavilə keçən həftə tamamlanıb.

2023-cü ildə ABŞ Xəzinədarlığı "Alfa Nero"nu qara siyahıdan çıxararaq Antiqua və Barbuda səlahiyyətlilərinə onu hərraca çıxarmağa icazə verib.

Nəşrin məlumatına görə, "Alfa Nero" 2022-ci ilin martında Antiquadakı Falmut limanında tərk edilib.

Agentlik vurğulayır ki, Andrey Quryev özünün yaxta ilə əlaqəsini inkar edir. Ötən ilin avqustunda ABŞ Federal Təhqiqatlar Bürosu yerli hüquq-mühafizə orqanları ilə birlikdə gəmidə axtarış aparıb.

İyulun əvvəlində Forbes rusiyalı müştərilər üçün tikilmiş dörd super yaxtanın icarəyə verildiyini yazmışdı. Bu siyahıda ən bahalısı Domodedovo hava limanının sahibi Dmitri Kamenşçiklə əlaqəli olan "Uçan Tülkü"dür. Bu lüks yaxtanın bir həftəlik icarəsi 4 milyon avroya başa gələcək.

Poliqon.info