Delaverdə təcrid olunan Bayden bu gün Ağ Evə qayıdacaq

Poliqon xəbər verir ki, son günlər o, koronavirus səbəbiylə Delaverdəki evində təcrid olunub.

AFP-nin verdiyi xəbərə görə, məlumat Baydenin cədvəlində verilib. Onun günorta saatlarında evini tərk edəcəyi və yerli vaxtla saat 14:30-da (Bakı vaxtı ilə 22:30) Ağ Evə çatacağı gözlənilir. Yarım saatdan sonra ona qapalı brifinq veriləcək.

ABŞ prezidenti koronavirus infeksiyası fonunda iyulun 17-dən bəri ictimaiyyət qarşısına çıxmayıb. Eyni zamanda, iyulun 21-də yazılı bəyanatında o, prezident seçkilərində iştirakdan imtina etdiyini açıqlayıb və Demokratlar Partiyasından vitse-prezident Kamala Harrisin namizədliyini irəli sürüb. 

Baydenin həkimi deyir ki, onun virus simptomları demək olar tamamilə yox olub. Prezident özü xanım Harrisin seçki qərargahına etdiyi ilk nitqində audio keçid vasitəsilə danışdı.

Poliqon.info