ABŞ prezidenti Co Bayden media qarşısına çıxmalı və sağ olduğunu, seçki yarışından geri çəkilmə qərarından xəbərdar olduğunu sübut etməlidir...
Poliqon xəbər verir ki, bunu Nümayəndələr Palatasının Respublikaçılar Partiyasından olan üzvü Lauren Boebert deyib.
"Mən Co Baydendən bu gecə saat 5-ə qədər (Bakı vaxtı ilə 04.00-red.) həyat sübutu tələb edirəm. O, kameralar qarşısına keçib, yarışdan çəkildiyinin fərqində olub-olmamasına münasibət bildirməlidir. Gizlənmək qətiyyən yolverilməzdir", deyə Boebert X sosial şəbəkəsində yazıb.
Qeyd edək ki, ABŞ prezidenti koronavirus infeksiyası fonunda iyulun 17-dən bəri ictimaiyyət qarşısına çıxmayıb. Eyni zamanda, 81 yaşlı Co Bayden iyulun 21-də namizədliyini geri götürmək qərarını açıqlayıb. Donald Trampla debatdan və bir sıra digər ictimai çıxışlardan sonra bir çox demokratlar ona bu barədə müraciət ediblər. Bayden Demokrat Partiyasına Kamala Harrisin namizəd kimi irəli sürülməsini təklif edib. 2021-ci ildə o, ilk qaradərili qadın vitse-prezident olub.
Poliqon.info