ABŞ-ın keçmiş prezidenti Donald Tramp Pensilvaniya ştatında özünə qarşı sui-qəsd cəhdindən sonra hazırkı dövlət başçısı Co Baydenlə telefon danışığının çox xoş olduğunu deyib...
Poliqon xəbər verir ki, Tramp bu barədə Fox News telekanalına müsahibəsində danışıb.
"Yaxşı idi. Xoş söhbət oldu. Dedi ki, bəxtim gətirib ki, sağa dönmüşəm. Deməli... açıq-aydın kimsə ona xəbər verib. Amma bunu mənə dedi", deyə Tramp qeyd edib.
Tramp sui-qəsd zamanı aldığı yaranın getdikcə sağaldığını və kiçik sarğılara keçdiyini bildirib: "Biz kiçik sarğılara keçinirik".
Trampa sui-qəsd cəhdi iyulun 13-də Pensilvaniya ştatının Butler şəhərində keçirilən mitinqdə baş verib. Sabiq prezident qulağından yara alıb, bir nəfər ölüb. Hücumu törədən şəxs məhv edilib.
Bundan əvvəl Tramp sui-qəsd cəhdindən sonra aldığı tibbi yardımın təfərrüatlarını əks etdirən məktub dərc edib. Sözügedən sənədi respublikaçı konqresmen Ronni Cekson imzalayıb. O, Texas Nümayəndələr Palatasının üzvü və Ağ Evin keçmiş həkimi, o cümlədən Tramp illərində işləyib.
Cekson sui-qəsd zamanı güllə dəymiş Trampın qulağını hər gün müayinə və müalicə etdiyini deyib. Həkimin sözlərinə görə, Ağ Evin keçmiş rəhbəri eni iki santimetr olan yara ilə xilas olub.
Poliqon.info
Digərxəbərlər
Populyar xəbərlər
