Abşeron rayonu Gənclər şəhərciyində 2002-ci il təvəllüdlü A.Kazımovanın yaşadığı mənzilin eyvanından həyat yoldaşı A.Kazımovanı qəsdən mənzildən yerə atması ilə bağlı bəzi detallar məlum olub...
Onların qonşusu olan Ramal Burzayev bildirib ki, A.Kazımov arvadını səkkizinci mərtəbədən əl və qolunu bağlayaraq atıb:
"Eşitdiyimə görə hadisə qızıl üstündə olub".
Ailənin digər qonşusu olan Sabir Qasımov isə vurğulayıb ki, əri həyat yoldaşını yataq geyimində pəncərədən atıb:
"Qız yerə düşdükdən sonra əri hadisə yerinə gələrək onu təpiklədi və dedi ki, "sən hələ ölməmisən?"
Daha ətraflı Baku TV-nin materialında:
***
Xırdalanda qadının çoxmərtəbəli yaşayış binasından atılması ilə bağlı yeni təfərrüat məlum olub.
Oxu.Az-ın əldə etdiyi məlumata görə, arvadı Ayşən Kazımovanın xəyanət etməsindən xəbər tutan Hüseyn Kazımov onu pəncərədən atıb.
***
Abşeron rayonun Xırdalan şəhərində çoxmərtəbəli binanın pəncərəsindən atıldığı bildirilən qadın ölüb.
Bu barədə Poliqon-a Daxili İşlər Nazirliyinin (DİN) Mətbuat xidmətindən məlumat verilib.
Bildirilib ki, bu gün səhər saatlarında Abşeron rayonu Gənclər şəhərciyində 2002-ci il təvəllüdlü A.Kazımovanın yaşadığı mənzilin eyvanından yerə düşərək ölməsi barədə polisə məlumat daxil olub.
Aparılan araşdırmalar zamanı A.Kazımovanın həyat yoldaşı 2002-ci il təvəllüdlü Hüseyn Kazımov tərəfindən qısqanclıq zəminində aralarında yaranan mübahisə zamanı qəsdən mənzildən yerə atıldığı müəyyən edilib. H.Kazımov polis əməkdaşları tərəfindən saxlanılıb. Araşdırmalar aparılır.
***
Abşeron rayonu Xırdalan şəhəri ərazisində iyulun 23-ü saat 07 radələrində 2002-ci il təvəllüdlü Ayşən Kazımovanın çoxmərtəbəli binadan yıxılması barədə rayon prokurorluğuna məlumat daxil olub.
Bu barədə Abşeron Rayon Prokurorluğundan məlumat verilib.
Bildirilib ki, araşdırma zamanı 2002-ci il təvəllüdlü Hüseyn Kazımovun aralarında yaranmış mübahisə zamanı arvadı Ayşən Kazımovanı yaşadıqları mənzilin pəncərəsindən yerə atması nəticəsində sonuncunun çoxsaylı bədən xəsarətləri almasına əsaslı şübhələr müəyyən edilib.
Ayşən Kazımova xəstəxanaya yerləşdirilib, vəziyyəti hazırda ağır qiymətləndirilir.
Faktla bağlı Abşeron rayon prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsilə cinayət işi başlanıb. Hüseyn Kazımov iş üzrə şübhəli şəxs qismində tutulub.
Cinayət işi üzrə ibtidai istintaq davam etdirilir.
Poliqon.info
Digərxəbərlər
Populyar xəbərlər
