Rusiyadan Qərb əleyhinə video

PİA.az Türkiyə mətbuatına istinadən xəbər verir ki, Rusiyanın dövlət televiziyası “Russia Today” (RT) Qərbi ələ salan bir reklam çarxı yayımlayıb.

RT reklamda ailələrin öz ev heyvanlarını yeyib, qaranlıqda yaşayacağı bir gələcəyi göstərib. Çünki Qərbin Ukraynaya təcavüzü ilə əlaqədar Rusiyaya qarşı sanksiyaları enerji xərclərinin artmasına səbəb olub.

75 saniyəlik reklam çarxı iqtisadi şəraitin pisləşdiyi bir vaxtda avropalı ailənin üç ardıcıl Milad bayramını necə qeyd etdiyini göstərir. Reklamda “Səssiz gecə” mahnısının sadə versiyası ilə iki valideyn 2021-ci ildə xoşbəxt qızına qırmızı lentli ev heyvanı hamsteri hədiyyə edir. 2022-ci ildə onlar qaranlıq və soyuq evlərində Milad işıqlarını yandırmaq üçün hamster çarxını miniatür generatora birləşdirirlər.

2023-cü ilə gəldikdə isə halsız vəziyyətdə görünən ailə yalnız bir şorbadan ibarət Milad şam yeməyi üçün palto və şərflərə bürünərək süfrəyə oturur. Birdən dəhşətə gələn ata hamsterin qırmızı lentini ağzından götürəndə ana uşaqlarının hamsterin sulu şorbaya çevrildiyini öyrənməməsi üçün ataya susqunluq siqnalı verir.

Reklamın sonunda isə “Rusiyaya qarşı Milad bayramınız mübarək!”, “Əgər medianız sizə bütün bunların hara getdiyini demirsə, RT VPN (virtual özəl şəbəkə) vasitəsilə buna hazırdır” mesajları verilir.

Qeyd edək ki, Avropa İttifaqı Rusiyanın Ukraynaya müdaxiləsindən sonra RT-nin üzv ölkələrdə yayımını qadağan edib.

pia.az