Moldovanın tərkibindəki Qaqauz muxtariyyətinin rəhbəri Yevgeniya Qutsul ölkə prezidenti Maya Sandunun Avropaya inteqrasiya ilə bağlı milli maraqlar nəzərə alınmadan həyata keçirilən siyasətini “gözəl nağıl” adlandırıb...
Poliqon xəbər verir ki, Qaqauz muxtariyyətinin lideri bu barədə “RİA Novosti” Agentliyinə müsahibəsində danışıb.
“Maya Sandu Avropaya inteqrasiya siyasətini milli maraqları nəzərə almadan və Qaqauziya sakinlərinin mövqeyinə zidd olaraq həyata keçirir. Bununla belə, burada müzakirələr aparmaq olar ki, Moldova hakimiyyəti qərarların qəbulunda ümumilikdə nə dərəcədə müstəqildir? Avrointeqrasiya hakim partiyanın moldovalı seçiciyə “satdığı gözəl nağıldır”, deyə Yevgeniya Qutsul bildirib.
Eyni zamanda, Evgeniya Qutsul müsahibəsində, əslində ölkə sakinləri üçün “Avropa gələcəyi”nin iqtisadiyyatda durğunluq və ixracın azalması, yüksək inflyasiya və artan kommunal tarifləri gətirdiyinə diqqət çəkib.
"Moldova seçicisi acı dərs aldı və əminəm ki, növbəti seçkilərdə Maia Sandu və Avropayönlü partiyalar xeyli az səs alacaqlar", deyə Qaqauziya lideri qeyd edib.
Moldova tərkibindəki Qaqauz muxtariyyətinin rəhbəri ölkənin mərkəzi hakimiyyət orqanları tərəfindən təzyiqlərə məruz qaldığını bəyan edib. Onun sözlərinə görə, muxtariyyət Moskva ilə əməkdaşlığı inkişaf etdirmək istəyir.
Poliqon.info