Orban Floridada Trampla görüşəcək

Poliqon xəbər verir ki, bu barədə Bloomberg Agentliyi məlumat yayıb.

Orbanın Trampla görüşü bir sıra xaricə səfərlərdən, o cümlədən Moskvada Rusiya prezidenti Vladimir Putinlə və Kiyevdə Ukrayna prezidenti Vladimir Zelenski ilə görüşlərdən sonraya təsadüf edir. Həmçinin Orban Pekinə də səfər edib və burada Çin prezidenti Si Cinpinlə görüşüb.

Bu səfərlərlə bağlı baş nazir sülhməramlı fəaliyyətini davam etdirmək və bu məqsədlə NATO-nun Vaşinqton sammitinin imkanlarından istifadə etmək niyyətində olduğunu bildirib.

Mənbə vurğulayıb ki, Tramp Orbandan Rusiya və Ukrayna arasında sülh sazişinin hazırlanmasında iştirak etməyi xahiş etməyib. Qarşıdan gələn görüşün əlavə təfərrüatları açıqlanmır.

O da məlum olub ki, Macarıstanın baş naziri ilin sonuna qədər Avropa Parlamentində iki dəfə çıxış edə bilər. Onun çıxışlarının əsas mövzusu Ukrayna münaqişəsi olacaq. Orbanın Aİ-yə sədrlik edən ölkənin lideri kimi Avropa Parlamentində ilk çıxışı gələn həftə baş tuta bilər. Hələlik dəqiq tarix yoxdur, çünki vaxtı parlament özü təyin edəcək.

Poliqon.info