Avropa ölkələrində antisemitizm səviyyəsində əhəmiyyətli artım müşahidə olunur...
Poliqon xəbər verir ki, Britaniyanın The Guardian nəşri bu barədə müvafiq araşdırma aparan Avropa İttifaqının Əsas İnsan Haqları Agentliyinə (FRA) istinadən məlumat verib.
"Avropada antisemitizm dalğası var, buna qismən də Yaxın Şərqdəki münaqişə səbəb olub. Bu, yəhudi xalqının təhlükəsizlik və ləyaqət içində yaşamaq imkanlarını ciddi şəkildə məhdudlaşdırır", deyə FRA direktoru Sirpa Rautio jurnalistlərə bildirib.
Agentlik 2023-cü ilin yanvar-iyun ayları arasında yaşı 16-dan yuxarı olan 8 min yəhudi arasında sorğu keçirib. Respondentlərin 96%-i ötən il ərzində dözümsüzlük təzahürləri yaşadıqlarını, 84%-i isə antisemitizmi mühüm problem hesab etdiyini bildirib.
Bundan əlavə, Aİ hüquq müdafiəçiləri Fələstinin HƏMAS təşkilatının 2023-cü il oktyabrın 7-də İsrailə hücumundan sonra vəziyyətin necə dəyişdiyini anlamaq üçün 12 yəhudi təşkilatının məlumatlarını öyrəniblər.
Məlum olub ki, respondentlərin 80%-i son 5 ildə ölkələrində antisemitizmin səviyyəsinin artdığına inanır, 64%-i bununla hər zaman qarşılaşdıqlarını, 90%-i isə sosial şəbəkələrdə yəhudilərə qarşı dözümsüzlüyü böyük problem adlandırıb.
Bundan əlavə, hər 10 respondentdən 6-sı İsraillə HƏMAS arasındakı münaqişənin onların təhlükəsizlik hislərinə təsir etdiyini etiraf edib.
Aprel ayında Almaniyanın Spiegel qəzeti ölkənin şərqindəki məktəblərdə ifrat sağçı əhval-ruhiyyənin artdığını yazmışdı. Qeyd olunur ki, tələbələr daha tez-tez masalarının üzərinə svastikalar çəkməyə və bir-birlərinə Hitler salamı göstərməyə başlayıblar.
Poliqon.info
Digərxəbərlər
Populyar xəbərlər
