Kremlin sözçüsü: Yeni Avrasiya təhlükəsizlik sistemi ŞƏT sammitində müzakirə olunacaq...
Rusiya Prezidentinin mətbuat katibi Dmitri Peskov bildirib ki, Şanxay Əməkdaşlıq Təşkilatının sammitində yeni Avrasiya təhlükəsizlik sisteminin yaradılması ideyası qeyd olunacaq.
Poliqon xəbər verir ki, bu barədə “RİA Novosti” Agentliyi məlumat yayıb.
Peskov əlavə edib ki, hazırda bu mövzuda tərəfdaşlarla dialoq aparılır və proses addım-addım irəliləyir.
Xatırladaq ki, iyun ayında Rusiya prezidenti Vladimir Putin Xarici İşlər Nazirliyinin rəhbərliyi ilə görüşü zamanı Avrasiyada xarici qüvvələrin iştirakı olmadan yeni təhlükəsizlik sisteminin yaradılmasını təklif edib.
Rusiya prezidentinin sözlərinə görə, Avrasiya üçün ikitərəfli və çoxtərəfli kollektiv təhlükəsizliyin təminatlarını nəzərdə tutan təhlükəsizlik sisteminin müzakirəsinin vaxtı çatıb.
Putin əlavə edib ki, yeni memarlıq sistemi hamı üçün açıq olmalıdır - həm Avropa ölkələri, həm də NATO ölkələri üçün.
“Çünki biz eyni qitədə yaşayırıq və coğrafiya dəyişdirilə bilməz”, deyə Putin əlavə edib.
Poliqon.info
Digərxəbərlər
Populyar xəbərlər
