NATO-nun baş katibi Yens Stoltenberq bildirib ki, ABŞ-da prezidentin kim olmasından asılı olmayaraq, Vaşinqton NATO müttəfiqi olaraq qalacaq...
Poliqon xəbər verir ki, Stoltenberq alyansın Donald Trampın noyabrda ABŞ-da keçiriləcək prezident seçkilərində qalib gələcəyindən qorxması ilə bağlı suala belə cavab verib.
Stoltenberq mətbuat konfransında deyib: “Mən ABŞ-ın ən böyük müttəfiqi olmasına əsaslanaraq, Birləşmiş Ştatların güclü və mühüm NATO müttəfiqi olmağa davam edəcəyini gözləyirəm”.
Baş katib vurğulayıb ki, Co Bayden və Donald Trampın NATO ilə bağlı yanaşmalarında əsas fərqlər alyansın özü ilə deyil, müdafiə ehtiyacları üçün kifayət qədər vəsait ayırmayan müttəfiqlərlə bağlıdır.
“Bununla belə, onlar ABŞ-ın çağırışına qulaq asıblar”, deyə Stoltenberq əlavə edib.
Politico qəzaeti yazır ki, NATO Donald Trampın qələbəsi halında Ukraynaya uzunmüddətli dəstək vermək planı hazırlayıb.
Poliqon.info