Demokratların maliyyə lideri Baydeni namizəd olmamağa çağırıb

Poliqon xəbər verir ki, o, bu barədə New York Times qəzetində yazıb.

"Onun qalib gələ bilmədiyi yeganə döyüş zamana qarşıdır. Təəssüf edirəm, amma üç həftə əvvəl bir ianə toplanışında birlikdə olduğum Co Bayden 2010-cu ildəki Co Bayden deyildi. O, hətta 2020-ci ildəki Co Bayden də deyildi", deyə Kluni qeyd edib.

Aktyorun sözlərinə görə, onlarla demokrat öz aralarında və jurnalistlərlə müzakirə edib ki, Baydenin qərarı təkcə onun prezidentlik şansını deyil, həm də seçki bülletenindəki demokrat yoldaşlarını təhlükə altına alır.

"Biz noyabrda bu prezidentlə qalib gəlməyəcəyik. Və biz Nümayəndələr Palatasını qazanmayacağıq və Senatı da itirəcəyik. Bu, təkcə mənim fikrim deyil. Bu, hər bir senator, konqresmen və qubernatorun fikridir. Onların açıq şəkildə nə deməsindən asılı olmayaraq, hər kəslə təkbətək danışmışam", deyə Kluni izah edib.

Kluni hazırda Demokratlar Partiyasında Baydeni kampaniyasını dayandırmağa çağıran ən çox görünən fiqurlardan biridir. Qəzet bununla bağlı şərh almaq üçün hazırkı prezidentin sözçüsü Lauren Gittlə əlaqə saxlayıb, lakin o, yalnız Amerika liderinin Konqresdəki Demokratlara son məktubunu göndərib və orada onun seçkilərdə qaldığını vurğulanır.

Mənbələrin bildirdiyinə görə, Baydenin komandasının üzvləri Kluni öz essesini dərc etməməyə və prezidentin tərəfində qalmağa inandırmağa çalışıblar.

Poliqon.info