Rusiya XİN: Ermənistanın NATO sammitində iştirakına təəssüf edirik...

Rusiya xarici işlər nazirinin müavini Mixail Qaluzin Ermənistanın NATO sammitində iştirakının Rusiya tərəfində hədsiz təəssüf doğurduğunu bildirib.

Poliqon xəbər verir ki, bu barədə Mixail Qaluzin “RİA Novosti” Agentliyinə müsahibəsundə bildirib. Diplomatın sözlərinə görə, İrəvan problemlərin müzakirəsinə konstruktiv yanaşmadan uzaqlaşıb.

“Təhlükəsizlik sahəsindən danışarkən vurğulamaq istəyirəm ki, Ermənistan KTMT-nin üzvü olaraq qalır və hərbi və hərbi-texniki sahədə çoxsaylı ikitərəfli sazişlərin tərəfidir. İrəvanın narahatlığını müzakirə etmək üçün konstruktiv yanaşma əvəzinə, onlar, təəssüf ki, başqa yol seçib”, deyə Mixail Qaluzin bildirib.

Rusiya xarici işlər nazirinin müavini əlavə edib ki, Ermənistan sammitdə iştirakdan başqa NATO və ya alyansın ayrı-ayrı üzvləri ilə qarşılıqlı fəaliyyəti artırmağa üstünlük verir. Qaluzin qeyd edib ki, bu, NATO standartlarının həyata keçirilməsi, silahların alınması və ya birgə hərbi təlimlərin keçirilməsinə aiddir. Rusiyalı diplomat İrəvanın bu davranışını “iki stulda oturmaq” cəhdi adlandırıb.

Mixail Qaluzinin fikrincə, Ermənistanla NATO arasında əməkdaşlığın dərinləşməsi Cənubi Qafqazda sabitliyi poza bilər.

Poliqon.info