Çak Şumer Baydenin seçkidən kənarlaşdırılmasını istəyir

ABŞ Senatındakı Demokratik Çoxluğun lideri Çak Şumer partiyanın prezidentliyə namizədinin dəyişdirilməsinə açıqdır.

Poliqon xəbər veri ki, bu barədə “Axios” portalı mənbələrə istinadən məlumat yayıb. Nəşr yazır ki, son 12 gün ərzində Şumer partiyanın ən yaxşı inkişafı ilə bağlı sponsorların ideya və təkliflərini dinləyir.

“Axios” xəbər verir ki, Demokratlar Partiyasının nümayəndələri ilə təkbətək söhbətlərində Çak Şumer prezidentliyə yeni namizədin irəli sürülməsini dəstəkləyə biləcəyini açıq şəkildə bildirib.

Nəşr qeyd edir ki, Şumer Co Baydeni seçkidə iştirakdan imtina etməyə inandırmaq üçün kifayət qədər şəxsi və siyasi təsirə malikdir.

Qeyd edilir ki, Demokratların Konqresdəki toplantısında Şumer hazırkı prezidentin ikinci müddətə yenidən seçilməyə qadir olub-olmaması ilə bağlı açıqlama verməyib.

Xatırladaq ki, Demokratlardan ABŞ prezidentliyinə namizəddə mümkün dəyişikliyin müzakirəsi iyunun sonunda Co Bayden və Donald Tramp arasında gedən debatdan sonra başlayıb. İyulun 3-də Bloomberg və Reuters Agentlikləri mənbələrə istinadən yazıblar ki, Nümayəndələr Palatasındakı demokratlar Ağ Evə Co Baydeni seçki yarışından geri çəkilməyə çağıran məktub yollayıblar.

Poliqon.info