Peyvənd istehsal edən şirkətlər kasıb ölkələrə bu il və qarşıdakı il üçün 3.5 milyard doza COVID-19 peyvəndi vəd ediblər.
APA-nın AFP-ya istinadən verdiyi xəbərə görə, bu barədə bu gün G20 ölkələrinin Qlobal Səhiyyə Sammitinə qatılan "Pfizer", "Moderna" və "Johnson & Johnson" şirkətlərinin təmsilçiləri bildirib.
ABŞ-ın dərman şirkəti "Pfizer"in icraçı direktoru Albert Bourla bildirib ki, şirkət tərəfindən 2021-ci ildə bir milyard doza olmaqla qarşıdakı 18 ayda iki milyard doza COVID-19 peyvəndi bu ölkələrə çatdırılacaq.
"Moderna"nın icraçı direktoru Stefani Bansel isə rəhbərlik etdiyi şirkətin bu il üçün 95 milyon, gələn il üçün 900 milyon doza peyvənd çatdıracağını bildirib. O qeyd edib ki, bu peyvəd dozaları COVAX mexanizmi çərçivəsində çatdırılacaq.
"Johnson & Johnson" şirkətinin icraçı direktorunun müavini Paul Stoffels isə deyib ki, şirkətin 2021-ci il üçün COVAX-la razılaşmasına əsasən kasıb ölkələrə 200 milyon doza ayrılıb və əlavə 300 milyon doza ilə bağlı müzakirələr gedir.
Bildirilib ki, peyvəndlər bu ölkələrə öz qiymətinə və ya endirimlə veriləcək.
pia.az
Digərxəbərlər
Populyar xəbərlər
