Sabiq prezident: Çin nüvə arsenallarına görə ABŞ-dan geri qalır, lakin Pekin bu sahədə Vaşinqtonu keçə bilər...
ABŞ prezidentliyinə namizəd Donald Tramp hesab edir ki, Çin nüvə silahı arsenalına görə Ameriknı üstələyə bilər.
Poliqon xəbər verir ki, Tramp bu barədə milyarder İlon Maskla X sosial şəbəkəsində yayımlanan müsahibəsində bildirib.
Tramp qeyd edib ki, hazırda Rusiya və ABŞ birinci yerdədir, Çin isə “çox geridə” olsa da, “çox sürətlə” inkişaf edir.
“Hər şey Çinin bizə yetişməsi və bəlkə də bizi üstələməsi ilə bitəcək”, deyə Tramp vurğulayıb.
Siyasətçinin fikrincə, mümkün üçüncü dünya müharibəsi, şübhəsiz ki, nüvə silahının istifadəsini əhatə edəcək və bu, dünyanın heç vaxt görmədiyi dağıntıya səbəb olacaq.
Poliqon.info