Ağ Ev İsrailə qarşı yüksək təhdid riskinin olduğunu bildirib

Polqion xəbər verir ki, Ağ Ev rəsmisi bu barədə CBS telekanalına danışıb. Faynerin fikrincə, İsrail üçün risk və təhdidlərin səviyyəsi yüksəkdir.

“Düşünürəm ki, məqsədimizin gərginliyi azaltmaq olduğunu açıq şəkildə bildirdik. Məqsədimiz İsraili qorumaqdır”, deyə Fayner CBS-ə bildirib.

Ağ Ev rəsmisi hesab edir ki, İsrail-HƏMAS arasında girov müqaviləsi tezliklə bağlanmalıdır, çünki “regionda risk səviyyəsi və təhdid səviyyəsi çox yüksəkdir” və Qəzzadan kənarda bbaş verən xarici hadisələr danışıqları daha da çətinləşdirə bilər.

Prezidentin köməkçisinin müavini tərəfləri danışıqlara qayıtmağa və razılıq əldə etməyə çağırıb. Eyni zamanda, Fayner qeyd edib ki, Birləşmiş Ştatlar “vəziyyəti nəzarətdə saxlamağa və vəziyyətin daha da gərginləşməsinin qarşısını almağa çalışır.

İyulun 31-nə keçən gecə Tehranda HƏMAS Siyasi Bürosunun rəhbəri İsmayıl Haniyə öldürülüb. İran və HƏMAS bu qətldə İsraili günahlandırır. İsrail rəsmiləri hadisədə iştirakını nə təsdiq, nə də təkzib ediblər.

Poliqon.info