Amerikalı sahibkar İlon Mask, YouTube bloggeri Leks Fridmanla podkastda, ikinci şəxsin artıq “Neuralink” şirkətindən implantasiya prosedurunu uğurla keçdiyini söyləyib...
Poliqon xəbər verir ki, müsahibənin videosu YouTube-da yayımlanıb.
“Mən istəmirəm ki, ona göz dəysin, amma görünür, bu implantla hər şey çox yaxşı getdi. Çoxlu siqnal qəbul edir və çoxlu elektrodlara malikdir. Əla işləyir”, deyə Mask bildirib.
İş adamının sözlərinə görə, xəstənin beynində 400 elektrod fəaliyyət göstərir.
Qeyd edək ki, daha əvvəl “Neuralink” çipinə sahib olan ilk şəxs Nolan Arbaugh demişdi ki, bəzi elektrodlar onun beynindən uzaqlaşsa da (təxminən 15%-i hazırda işləyir), cihazın effektivliyi artmaqda davam edir. Arbo ümid etdiyini bildirib ki, təcrübənin növbəti iştirakçısı elektrodların 90-100%-ni aktivləşdirə biləcək və bu, hazırda onun üçün mövcud olmayan yeni imkanlar açacaq.
Poliqon.info