Aparılan araşdırma nəticəsində süni intellektin bioloji silah yarada biləcəyi müəyyən olunub...
APA xəbər verir ki, bu barədə “Bloomberg“ nəşrinin dərc etdiyi məqalədə deyilir.
Biokimyaçı Rokko Kasagrande “chatbot”ların bioloji silah yaratmağa kömək edə biləcəyini açıqlayıb. Alim və komandası bioterrorçular adı altında süni intellektin imkanlarını tədqiq etmək üçün təxminən 150 saat vaxt sərf edib və bu zaman müəyyən olunub ki, “chatbot”un biosilahlarla bağlı verdiyi cavablar adi axtarış nəticələrindən tamamilə fərqlənir.
Süni intellekt Kasagrande və onun komandasına biosilahlardan istifadənin ən təsirli yolu, eləcə də hansı hava şəraitində onlardan istifadə etməyin daha yaxşı olduğu barədə geniş məlumat verib.
Tədqiqatdan sonra Kasagrande ABŞ-ın yüksək səviyyəli liderlərinə məsələ ilə bağlı hesabat təqdim edib.
Bundan əvvəl immunoloq Nikolay Kryuçkov bildirmişdi ki, bioloji silahların istifadəsi praktiki olaraq istisna edilir, çünki onlar, onlardan istifadə edən tərəf üçün də təhlükə yaradır.
Poliqon.info
Digərxəbərlər
Populyar xəbərlər
