Brüssel Ermənistanı seçim qarşısında qoyur – Erməni ekspert

PİA.az xəbər verir ki, erməni siyasi şərhçi bunu “Sputnik Armenia”ya bildirib.

“Avropa İttifaqı bununla da hakimiyyətə aydın geosiyasi seçim etməyi təklif edir. Brüsseldən verilən mesaj bundan ibarətdir ki, Yeravan Azərbaycanla danışıqları hansı formatda davam etdirəcəklərinə qərar verməlidir. Yeravan isə “Brüssel” və ya “Moskva” formatları ilə bağlı seçim etməlidir”, deyə Vaqen Akopyan bildirib.

Akopyan qeyd edib ki, Brüssel müşahidə missiyasını dayandırmaqsı Paşinyanın hansısa razılaşmanı pozması ilə əlaqəli ola bilər:

“Paşinyan bəlkə də Praqa görüşündə əldə edilən müəyyən razılaşmaları pozub. Missiyanın mandatının uzadılmaması da müəyyən mənada Aİ-nin Paşinyana qarşı demarşı hesab etmək olar”, deyə erməni politoloq vurğulayıb.

“Avropalıların və amerikalıların Laçın dəhlizinin bağlanması mövzusunda passivliyi yalnız ilk baxışdan belə görünür. İstər Ermənistan, istərsə də Azərbaycan tərəfi Rusiya sülhməramlılarına zərbələr vurur, onların rolunu və əhəmiyyətini aşağı salmağa çalışır. Qərb yeni mərhələdə özünün vasitəçilik və digər xidmətlərinə tələbat olacağı ümidi ilə prosesi izləyir”, deyə Akopyan fikrini yekunlaşdırıb.

pia.az