Vladimir Putin müdafiə naziri Sergey Şoyqunun Ukraynada döyüşən bütün qeyri-qanuni qüvvələrin mərkəzin nəzarəti altında olması ilə bağlı son təklifini dəstəkləyib...
Poliqon xəbər verir ki, bu barədə Financial Times nəşri yazıb. Nəşr yazır ki, bu addım Rusiya könüllü batalyonları və yarımhərbi birləşmələrinin üzvlərinə verilən imtiyazları təmin etmək və döyüş meydanında vahid yanaşma yaratmaq məqsədi daşıyır.
FT qeyd edir ki, Putinin dəstəyi Sergey Şoyqu ilə Yevgeni Priqojin arasında uzun müddətdir davam edən mübahisə fonunda baş verib. Priqojin açıq şəkildə bu plana qarşı çıxıb və ordunun “Vaqner”i Ukraynadakı döyüş meydanından sıxışdırmaq istədiyindən şikayətlənib.
Nəşr yazır ki, Putinin bu dəstəyi, Şoyqunu Ukraynada qələbə qazana bilməməkdə ittiham edən Priqojinin rəhbərlik etdiyi fraksiya tərəfindən nadir hallarda ictimai hücuma məruz qalan Müdafiə Nazirliyiniə əhəmiyyətli kömək edir.
“Putinin dəstəyi həm də Rusiya ordusundakı dərin çatları üzə çıxarır və onu idarə etmək qabiliyyətini şübhə altına alır. Putin planı təsdiqləsə də, Priqojinin orduya qarşı tənqidlərinin çoxunun doğru olduğuna işarə edərək, “Vaqner”in Müdafiə Nazirliyinə tabe olmayacağını deyir. Bu da Priqojinin hələ də Putinin dəstəyini tam itirmədiyi ehtimalını ortaya qoyur”, deyə FT yazır.
Poliqon.info
Digərxəbərlər
Populyar xəbərlər
