Azərbaycan Ordusunun Vətən müharibəsində şəhid olan əsgəri Məmmədağa İqab oğlu İmanov dəfn edilib.
"Report"un Aran bürosunun məlumatına görə, mərhum Neftçala şəhər Şəhidlər xiyabanında torpağa tapşırılıb.
***
Vətən müharibəsinin şəhidi Məmmədağa İmanovla Neftçala rayonunda vida mərasimi keçirilir.
Şəhid hərbçinin nəşi anadan olduğu Neftçala rayonunun Dalğa kəndinə gətirilib.
Şəhidin anadan olduğu evdə keçirilən vida mərasimində yaxınları, hərbçilər, rayon ictimaiyyətinin nümayəndələri iştirak edir.
Qeyd edək ki, İmanov Məmmədağa İqab oğlu 2001-ci ildə Neftçala rayonunun Dalğa kəndində anadan olub.
Onun Vətən müharibəsi başlayandan bir neçə gün sonra ailəsi ilə əlaqə saxladığı bildirilir. Bundan sonra ondan xəbər olmayıb, itkin kimi qeydə alınıb.
Hərbi Prokurorluğun dünən yaydığı məlumata görə, həyata keçirilmiş əməliyyat-istintaq tədbirlərinin nəticəsində itkin düşmüş daha bir hərbi qulluqçunun – əsgər İmanov Məmmədağa İqab oğlunun meyiti tapılaraq, şəxsiyyəti müəyyən edilməklə aidiyyəti üzrə verilməsi üçün zəruri tədbirlərin görülməsi təmin olunub.
Fotolar
pia.az
Digərxəbərlər
Populyar xəbərlər
