Avropa İttifaqı (Aİ) ölkələri Amerika Birləşmiş Ştatları (ABŞ) ilə pis rəftar edir. Əvəzində isə ABŞ onları qoruyur və həm də qarşılıqlı ticarət əlaqələrindən böyük fayda əldə etməyə imkan verir...
Poliqon xəbər verir ki, bunu Ağ Evin keçmiş rəhbəri və Respublikaçılar Partiyasından ABŞ prezidentliyinə namizəd Donald Tramp milyarder İlon Maska müsahibəsi zamanı deyib.
"Mən Avropa İttifaqı ilə çox yaxşı tanışam. Biz onları NATO çərçivəsində qoruyuruq. Onlar isə ölkəmizlə pis rəftar edirlər", deyə keçmiş Amerika lideri bildirib.
Tramp vurğulayıv ki, Avropa İttifaqının iqtisadiyyatlarını cəmləsək, ancaq bu halda ABŞ-la müqayisə oluna bilər. Lakin buna baxmayaraq, Vaşinqton Ukraynaya kollektiv müdafiə və yardım üçün daha böyük məbləğdə vəsait ayırır.
Ağ Evin keçmiş rəhbərinin sözlərinə görə, ABŞ Ukraynaya təxminən 250 milyard dollar ayırıb, Avropa İttifaqı isə cəmi 71 milyard dollar. Üstəlik, ABŞ NATO-ya yardım edib. Tramp həmçinin xatırladıb ki, o, ABŞ prezidenti olanda Alyansa üzv olan ölkələrə vəsait ayırmağı əmr edib.
ABŞ-ın keçmiş prezidenti həmçinin bildirib ki, noyabrda keçiriləcək seçkilərdə qalib gəlsə, yenə də Rusiya lideri Vladimir Putinlə anlaşacağına ümid edir.
Qeyd edək ki, bundan əvvəl Tramp prezident seçkilərində qalib gələcəyi halda Avropa ölkələrini ÜDM-in 3 faizini müdafiə xərclənğməyə və Ukraynaya daha çox vəsait ayırmağa məcbur edəcəyini deyib.
Poliqon.info