Ukrayna kəşfiyyatı: Putinə yaxın adamlar bizimlə əməkdaşlıq edirlər...

“Ukrayna kəşfiyyatı məlumatlarıı Kremlin ən yüksək eşelonlarında olan adamlardan alır”.

Poliqon.info xəbər verir ki, bu barədə Ukrayna Müdafiə Nazirliyinin Baş Kəşfiyyat İdarəsinin nümayəndəsi Andrey Çernyak İefimerida nəşrinə müsahibəsində deyib. Onun sözlərinə görə, Putinin ətrafının heç də hamısı müharibəni dəstəkləmir.

“Baş Kəşfiyyat İdarəsi minlərlə mənbədən, o cümlədən Rusiyadakı mövcud agentlərdən gələn məlumatları idarə edir”, deyə Çernyak bildirib.

O, vurğulayıb ki, təmsil etdiyi qurum müharibədə qanunların icazə verdiyi bütün vasitələrdən istifadə edir:

“Biz hətta Putinə çox yaxın olan insanlarla əməkdaşlıq mexanizmlərini tapmışıq. Bunlar heç bir şübhə doğurmayan insanlardır və “böyük Rusiya” tərəfdarları kimi tanınırlar”, deyə Çernyak vurğulayıb.

Ukrayna kəşfiyyatının rəsmisi qeyd edib ki, Rusiya prezidentinin ətrafında onun Ukrayna ilə bağlı siyasətini dəstəkləməyənlər çoxdur.

“Onlar bu müharibənin əleyhinədirlər. Ancaq Ukraynaya qarşı dostluq hisslərinə görə və ya müharibəyə nifrət etdiyinə görə bunu edənlər demək olar ki, tapılmır. Hamısı bunu öz mənfəətləri üçün edir, çünki bu, onların maraqlarına uyğundur. İstəyirlər ki, kimsə onları xilas etsin, çünki böyük pulllar itirirlər.Müharibə başlayandan sonra Putinin yaxın \trafından bir neçə nəfər çox tez pul itirməyə baışaldı və bu da onlara ciddi təsir etdi. Ona görə də onlar bu müharibəni istəmirlər”, deyə Çernyak qeyd edib.

Çernyak həmçinin bu insanların heç birinin inqilabi aksiyaya hazır olmadığını bildirib. Ancaq o əmindir ki, Putin hakimiyyəti itirsə, onu məhv edəcəklər.

Poliqon.info