İsmayıl Haniyə MOSSAD tərəfindən necə öldürülüb?

Fələstinin HƏMAS hərəkatının Siyasi Büro rəhbərinin öldürülməsi əməliyyatının təşkilatçısı İsrailin kəşfiyyat xidməti MOSSAD-dır.

Poliqon xəbər verir ki, bu barədə mənbələrə istinadən Amerikanın İsrailə yaxınlığı ilə tanınan “Axios” portalı məlumat yayıb.

Mənbələr bildirib ki, MOSSAD İrana səfərdə olan Haniyənin yeri barədə məlumat alıb və SEPAH-ın Tehran yaxınlığındakı iqamətgahına partlayıcı qurğu yerləşdirib.

“Axios”, istifadə edilən bombanın yüksək texnologiyalı olduğunu və MOSSAD əməliyyatçıları İran daxilində olarkən uzaqdan partladıldığını iddia edir. Qeyd olunur ki, İsrail sui-qəsddən sonra Haniyyənin qətli ilə bağlı amerikalılara və digər qərbli tərəfdaşlarına planlaşdırılan əməliyyat barədə məlumat verməmək qərarına gəlib.

Portal bildirir ki, HƏMAS rəhbərinin aradan qaldırılması qərarı Qəzza zolağında atəşkəs və girovların azad edilməsi ilə bağlı çətin danışıqlar fonunda qəbul edilib.

Poliqon.info