Fidan Ermənistanla sərhədin açılması üçün ölkəsinin şərtini açıqlayıb

Türkiyə Azərbaycan arasında münasibətlərin normallaşmasından sonra qonşu Ermənistanla sərhədi aça bilər.

Poliqon xəbər verir ki, bunu Türkiyənin xarici işlər naziri Hakan Fidan bildirib.

“Azərbaycanla Ermənistan arasında danışıqlar prosesi davam edir. Müsbət nəticə olacağı təqdirdə ssenarimizi hazırlamalıyıq və bu istiqamətdə işlər gedir. Normallaşma prosesi başa çatarsa, müsbət ssenarini aktivləşdirəcəyik, yəni sərhəddə qapılarımızı aça bilərik”, deyə türkiyəli nazir “Sabah” qəzetinə bildirib.

Xatırladaq ki, iyulun 30-da Türkiyə və Ermənistanın xüsusi nümayəndələri Serdar Kılıç və Ruben Rubinyan iki ölkənin sərhədində görüş keçirərək, ikitərəfli münasibətlərin ilkin şərt olmadan normallaşdırılması prosesini davam etdirmək niyyətlərini təsdiqləyiblər.

Poliqon.info