Maduronun prezident elan edildiyi seçkilərdən sonra baş verən iğtişaşlarda iştiraka görə 1062 nəfər saxlanılıb...
Poliqon xəbər verir ki, bu barədə ölkənin baş prokuroru Tarek Uilyam Saab bildirib. Baş prokurorun sözlərinə görə Venesuelada prezident seçkilərindən sonra etiraz aksiyaları zamanı xəsarət alan hüquq-mühafizə orqanları əməkdaşlarının sayı 77-yə çatıb, bir nəfər ölüb.
Mətbuat konfransı zamanı Saab etirazçıları yanğınlarda, zorakılıq aktlarında və digər cinayətlərdə ittiham edib.
“Bu gün küçələrdə artıq nisbi sakitlik vard, deyə Venesuelanın baş prokuroru jurnalistləri əmin etməyə çalışıb.
Xatırladaq ki, iyulun 29-da Venesuelada keçirilən prezident seçkilərində Nikolas Maduronun qələbəsi elan edilib. Bu, onun ardıcıl üçüncü müddətdir. Müxalifət seçkilərin nəticələrini tanımayıb və Karakasda minlərlə insanın iştirak etdiyi etirazlar başlayıb. Venesuela Müdafiə Nazirliyinin rəhbəri Padrino Lopez müxalifəti dövlət çevrilişinə cəhddə ittiham edib.
Poliqon.info