ABŞ səfirliyi Azərbaycan hərbçilərinin ölümü ilə bağlı başsağlığı verib

Poliqon xəbər verir ki, bu barədə səfirliyin "X" hesabında paylaşım edilib.

"Dörd Azərbaycan hərbçisinin faciəli ölümü ilə bağlı onların yaxınlarına, dostlarına və həmkarlarına dərin hüznlə başsağlığı veririk", - deyə paylaşımda qeyd olunub.

Xatırladaq ki, iyulun 30-da xidmətdənkənar saatlarda Laçın rayonu ərazisində kükürd qazlı termal sularda çimərkən, ilkin ehtimala görə, zəhərlənən Azərbaycan Ordusunun hərbi qulluqçuları - kapitan Asif Qəhrəman oğlu Emnalıyev, gizir Fərid Famil oğlu Cəbrayılov, müddətdən artıq həqiqi hərbi xidmət hərbi qulluqçuları - çavuş Tural Maşallah oğlu Səmədov və çavuş Emin Oqtay oğlu Şahmarlının meyitləri aşkar edilib.

Poliqon.info