Meloni İtaliya və Çin arasında əməkdaşlığı bərpa edəcəyinə söz verib

İtaliyanın baş naziri Corcia Meloni Pekinlə əməkdaşlığı bərpa edəcəyinə söz verib.

Poliqon Reuters Agentliyinə istinadən xəbər verir ki, Meloni vəzifəyə gəldikdən sonra Çinə ilk rəsmi səfəri zamanı müvafiq üç illik fəaliyyət planını imzalayıb.

İtaliya lideri bildirib ki, onun beş günlük səfəri yeni mərhələyə başlamaq, ikitərəfli münasibətlərimizi yeniləmək iradəsinin nümayişidir.

“Fəaliyyət planının məqsədi yeni əməkdaşlıq formaları ilə sınaqdan keçirməkdir”, deyə İtaliyanın baş naziri qeyd edib.

Reuters yazır ki, Meloni Çin sərmayəsini İtaliyanın yavaşıyan iqtisadi inkişafınıartırmaq üçün bir yol kimi görür. Pekində onun Si Tsinpin və Çinin ali qanunverici orqanı, respublika rəhbərliyində üçüncü rütbəli lider Çjao Lehzi ilə görüşü planlaşdırılır.

Xatırladaq ki, 2019-cu ildə “Bir Kəmər və Bir Yol” təşəbbüsünə qoşulan yeganə G7 ölkəsi oldu, lakin keçən il Pekinin iqtisadi təsiri ilə bağlı narahatlıqlara görə ABŞ-ın təzyiqi altında Roma bu təşkilatdan çıxdı.

Poliqon.info