Almaniya kansleri Olaf Şoltsun Sosial Demokrat Partiyası (SPD) 2026-cı ildə Almaniyada ABŞ-ın uzaqmənzilli raketlərinin yerləşdirilməsi qərarını dəstəkləməyib...
Poliqon xəbər verir ki, bu barədə “Politico” qəzeti kanslerin partiya üzvlərinə istinadən məlumat yayıb.
Nəşrin məlumatına görə, müdafiə və təhlükəsizlik məsələləri ilə məşğul olan yüksək səviyyəli SPD nümayəndələri həmkarlarına məktub yazıblar. Onlar məktubda bu məsələni müzakirə etmək üçün sentyabrda Bundestaqda debat keçirmək niyyətində olduqlarını qeyd ediblər.
“Almaniyada uzunmənzilli silah sistemlərinin yerləşdirilməsi ilə bağlı cari müzakirələr hamımızı narahat edir”, deyə məktubda bildirilir.
Bundestaqın aşağı palatasındakı SPD fraksiyasının lideri Rolf Mütsenix Berlinin bu silahların istifadəsində söz sahibi olub-olmayacağını əsas məsələlərdən biri hesab edir.
“Hər silah dərhal Almaniyanı daha təhlükəsiz etmir”, deyə SPD fraksiyasının lideri bildirib.
Poliqon.info