Ukrayna prezidenti Volodimir Zelenski Latviya prezidenti Edqar Rinkeviçlə keçirdiyi mətbuat konfransında Rusiyanın dondurulmuş aktivlərinin istifadəsindən indiyədək heç bir "məlum nəticənin" olmadığını bildirib...
Poliqon xəbər verir ki, Zelekskinin sözlərinə görə, Ukrayna dondurulmuş Rusiya aktivlərinin istifadəsindən hələ heç bir real nəticə əldə etməyib.
Eyni zamanda, Ukrayna prezidenti bildirib ki, Kiyev Rusiyanın dondurulmuş aktivlərindən faiz vergisi şəklində Belçikadan 1,7 milyard avro alacaq. Söhbət dondurulmuş aktivlərin təkrar investisiyasından əldə edilən gəlirdən gedir. Onun sözlərinə görə, bu, ilk nəzərəçarpacaq addımdır.
Ukrayna prezidenti əlavə edib ki, Kiyev təxminən 15-18 milyard avro gəlir əldə etməkdə maraqlıdır.
Yanvarın 10-da Bloomberg Agentliyi bildirib ki, ABŞ prezidenti Co Baydenin administrasiyası Ukraynanın yenidən qurulmasına ödəniş etmək üçün təxminən 300 milyard dollar dəyərində dondurulmuş Rusiyanın aktivlərinin müsadirəsinə imkan verən qanunvericilik tədbirlərinin qəbulunu dəstəkləyir.
Zelenski həmçinin bildirib ki, Qərb dövlətləri ölkəni maliyyələşdirməyi dayandırsa, ukraynalı təqaüdçülər öləcək.O, qeyd edib ki, Ukrayna hakimiyyəti ölkənin pulu ilə çox şey alır, lakin kənardan maliyyə olmadan Kiyev pensiyaçılara ödəniş bilməyəcək.
"Mən yazıq görünmək istəmirəm, amma pensiya olmasa, qocalar öləcək. 11 milyondan çox pensiyaçımız var - Avropada daha az pensiyaçı olan azı bir başqa ölkə varmı?", deyə Zelenski bildirib.
Poliqon.info
Digərxəbərlər
Populyar xəbərlər
