Politoloq: Ermənistanın uşaqlardan hərbi məqsədlər üçün istifadə etməsi ilk hal deyil...

Politoloq: “Ermənistanda uşaqlara hərbi təlimlərdə Azərbaycana qarşı nifrət və zorakılıq halları tədris edilir”.

“Azərbaycan XİN hesabatı BMT sənədi kimi yayılmasında məhz Ermənistanın uşaqlardan istifadə edərək Azərbaycana qarşı işğal siyasətini dünyaya göstərir”.

Bu sözləri politoloq Məhəmməd Əsədullazadə ermənistan tərəfindən uşaqların silahlı qüvvələrə və silahlı qruplara cəlb edilməsi ilə bağlı Azərbaycan Xarici İşlər Nazirliyinin yaydığı hesabatı Poliqon.info-a şərh edərkən qeyd edib.

Ermənistan tərəfindən uşaqların silahlı qüvvələrə və silahlı qruplara cəlb edilməsi ilə bağlı Azərbaycan Xarici İşlər Nazirliyinin hesabatı BMT Baş Assambleyasının və Təhlükəsizlik Şurasının sənədi kimi yayılıb. Ümumilikdə, sözü gedən sənədin əhəmiyyətini necə dəyərləndirmək olar? Bu sənəd Ermənistanın sülhə hazır olmadığını dünya dövlətlərinə çatdırılmasında hansısa rol oynayacaq?

Mövzunu Poliqon.info-un əməkdaşı Cənubi Qafqaz Təhlükəsizlik və Sülh İnstitutunun sədri, politoloq Məhəmməd Əsədullazadə ilə müzakirə edib.

Məhəmməd Əsədullazadə: “Azərbaycan Ermənistanın bu kimi cinayətlər etdiyi barədə xeyli faktlara malikdir. Bunu beynəlxalq təşkilatlarda yaymaq lazımdır”.

Azərbaycan Ermənistanın düşmənçiliyi davam etdirdiyini və bunu görə də uşaqlardan istifadə etdiyini dünyaya göstərmək istədiyini vurğulayan politoloq qeyd edib ki, bu sənədin siyasi əhəmiyyəti yüksəkdir:

“Ermənistanın uşaqlardan hərbi məqsədlər üçün istifadə etməsi ilk hal deyil və ikinci Qarabağ müharibəsində uşaqlardan istifadə edib. Uşaqlar üçün hərbi təlim keçirilir və bu dövlət tərəfindən dəstəklənir. Bu da Ermənistanın məhz Azərbaycana qarşı düşmən siyasətini davam etdirməsinin bariz nümunəsidir. Uşaqlara hərbi təlimlərdə Azərbaycana qarşı nifrət və zorakılıq halları tədris edilir. Bu da erməni xalqında nifrət və dözümlülüyə gətirib çıxarır. Uzun illərdir ki, Ermənistan orta məktəb və Universitetlərdə bunu tədris kimi tətbiq edir.

Azərbaycan XİN hesabatı BMT sənədi kimi yayılmasında məhz Ermənistanın uşaqlardan istifadə edərək Azərbaycana qarşı işğal siyasətini dünyaya göstərir. Çünki erməni təbliğat maşını Azərbaycana qarşı informasiya savaşı aparır. Azərbaycanda göstərmək istəyir ki, düşmənçiliyi davam etdirən və bunu uşaqlardan istifadə edən Ermənistandir. Bu sənədin siyasi əhəmiyyəti yüksəkdir. Azərbaycan Ermənistanın bu kimi cinayətlər etdiyi barədə xeyli faktlara malikdir. Bunu beynəlxalq təşkilatlarda yaymaq lazımdır”.

Nərminə UMUDLU
Poliqon.info