Kərkük küçələrinə türkcə lövhələr asılır - Foto

Poliqon Türkiyənin "Hürriyət" qəzetinə isrinadən xəbər verir ki, Kərkük valiliyinin ötən bazar ertəsi verdiyi açıqlamada 2008-ci ildə İraqın türkmən şəhəri Kərkükdə türkcənin rəsmi dil olması ilə bağlı qəbul edilən qərarın qüvvəyə mindiyi açıqlanmışdı.

Kərkük valisi Rakan Əl-Cuburinin verdiyi rəsmi qərardan sonra bütün rəsmi ofislərdə, eləcə də hava limanında və əsas küçələrdə türkcə lövhələr asılıb.

Valiliyin Media və Kommunikasiyalar üzrə məsul işçisi Mervan El-Ani bildirib ki, Kərkükdə 250 rəsmi ofisdə ərəb, kürd və Süriyani dili ilə yanaşı, türkcə yazılar olan lövhələr asılır.

“Şəhərdə əsas dil olaraq türkcə istifadə olunacaq. Vali Rakan Əl-Cuburinin verdiyi qərarla Kərkükdə fərqli dillər eyni vaxtda istifadə olunur. Hər kəs birlik və bərabərlik şəraitində yaşamalı, hər kəsin öz dilini öyrənmək hüququ olmalıdır", deyə Mervan El-Ani bildirib.

Kərkük vətəndaşı İbrahim Şehap "Lövhələrə türk dilinin əlavə edilməsi bizim üçün daha rahatdır. Düzdür, bunu çox gec etdilər, amma Allaha şükürlər olsun ki, türkcə lövhələri gördük və ümid edirik ki, bu, bütün lövhələrdə olacaq", deyib.

Cəmil Nurəddin adlı başqa bir Kərkük sakini isə bunları verib: "Türkmən məktəblərində oxuduğum üçün ərəb və kürd dillərini başa düşə bilmirdim. Lövhələrə yazılan türkcə sözlərlə isə ərəbcə və kürdcə yazıların nə demək olduğunu öyrəndim. Bu qərardan sonra mən də mağazamın lövhəsini dəyişəcəyəm. Ora türkcə yazacam və buna çox sevinirəm".

Poliqon.info