Osetinlərlə rus hərbçiləri arasında etnik gərginlik Ukrayna Silahlı Qüvvələrinin Zaporojjya vilayətində əks-hücumundan müdafiə olunan Rusiyanın 42-ci motoatıcı diviziyasının parçalanmasına səbəb olub...
Poliqon xəbər verir ki, bu barədə Müharibə Araşdırmaları İnstitutunun (ISW) məlumatında bildirilir.
“Etnik gərginlik Zaporojjya vilayətinin qərb hissəsində Ukraynanın əks-hücumuna qarşı müdafiə olunan Rusiyanın 42-ci motoatıcı diviziyasının əsgərləri arasında parçalanmaya səbəb olur”, deyə hesabatda bildiriblir.
ISW qeyd edir ki, Şimali Osetiya-Alaniya Respublikasından səfərbər edilmiş və 70-ci Qvardiya motoatıcı alayında xidmət edən Arsen Temirayev sentyabrın 25-də rus hərbçilərinin onu və 71-ci ordunun daha iki əsgərini döydüyünü əks etdirən video yayıb. Temirayev bildirib ki, hərbi polis onun etnik mənşəyini soruşub və “Rusiya ruslar üçündür” deyib.
Yaralı rus əsgəri həmçinin bildirib ki, Tokmak şəhərinin yerli sakini rus əsgərlərinin uşaqlara cinsi təcavüz etdiyini iddia etdiyi üçün hərbi polis onu və digər əsgərləri döyüb.
“Mən faşistlərin o biri tərəfdə (ukraynalı-red.) olduğuna inanırdım, amma məlum oldu ki, onlar bizim (ruslar-red.) aramızdadır”, deyə Temirayev bildirib.
Poliqon.info