Türkiyə prezidenti Rusiyalı həmkarı ilə “taxıl koridoru” ilə bağlı təmaslarını davam etdirir…
Rusiyanın taxıl müqaviləsini dayandırması ilə bağlı ilk şərhi prezident Ərdoğandan gəldi. PİA.az xəbər verir ki, Türkiyə prezidenti Rusiya ilə “taxıl koridoru” ilə bağlı təmasların davam etdiyinə işarə edərək bildirib: “Biz bəşəriyyətə xidmət etmək üçün səy göstərməyə davam edəcəyik”.
Xatırladaq Ukrayna limanlarından taxıl məhsullarının daşınması ilə bağlı saziş iyulun 22-də prezident Rəcəb Tayyib Ərdoğanın himayəsi altında Türkiyə, Rusiya, Ukrayna və Birləşmiş Millətlər Təşkilatı (BMT) arasında imzalanıb. Müqavilənin qüvvəyə minməsi ilə bir çox taxıl gəmisi Qara dənizdən yola salınıb.
Lakin Rusiya tərəfi oktyabrın 29-da taxıl gəmilərinin təhlükəsizliyini təmin edən rus gəmilərinin Sevastopol buxtasında hücuma məruz qaldığını əsas gətirərk müqaviləninin birtərəfli olaraq dayandığını bəyan edib. Hazırda isə istər BMT, istərsə də Türkiyə “taxıl koridoru”nun davam etməsi üçün səylərini davam etdirirlər.
Mənbə: Haberler.com
pia.az