Baş nazir Benyamin Netanyahu bildirib ki, İsrail Fələstinin HƏMAS hərəkatı ilə bütün məqsədlərinə çatana qədər müharibəni dayandırmağı planlaşdırmır...
Poliqon xəbər verir ki, bu barədə Netanyahu zabitlərin buraxılış mərasimində danışıb. Baş nazir İsrail ordusunun qalib gəlməsi üçün müharibənin sonuna qədər davam edəcəyini vəd edib.
“Biz qalib sona çatacağıq, bütün məqsədlərimizə çatana qədər müharibəni bitirməyəcəyik. Qəzza zolağında HƏMAS hökumətinin devrilməsinə nail olacağıq. Bütün girovlarımızın azad edilməsi, bütün mümkün gələcək təhlükələrin aradan qaldırılması, cənub və şimal sakinlərinin evlərinə qayıtması bizim əsas məqdələrimizdir”, deyə Netanyahu bildirib.
Xatırladaq ki, İsrail və HƏMAS arasında müharibə 7 oktyabr 2023-cü ildən davam edir. Qəzza Səhiyyə Nazirliyinin məlumatına görə, İsrailin zərbələri nəticəsində 38 mindən çox insan həlak olub.
Bu həftə İsrail Müdafiə Nazirliyi qoşunların Qəzza zolağı ilə Misir sərhədindən çıxarılmasına razılıq verib. The Washington Post qəzetinin yazdığına görə, münaqişə tərəfləri atəşkəsin birinci mərhələsinin bütün əsas məsələləri üzrə razılığa gələ biliblər.
Poliqon.info
Digərxəbərlər
Populyar xəbərlər
