“Oskar”a namizədlər açıqlandı

ABŞ-da 2021-ci il "Oskar" kino mükafatlarına namizədlərin siyahısı açıqlanıb.

PİA.az-ın məlumatına görə, Ən yaxşı filmlər kateqoriyasında "Köçəri torpaqları", "Ata", "Mank", "İuda və qara Məsih", "Minari", "Ümid verən gənc qadın", "Metal səsi" və "Çikaqolu yeddiliyin məhkəməsi" filmləri namizəd kimi irəli sürülüb.

Ən yaxşı rejissor adı uğrunda Xloya Çjao (Köçəri torpaqları), Emirald Fennel (Ümid verən gənc qadın), Tomas Vintenberq (Daha bir qədəh), Devid Finçer (Mank) və Li Ayzek Çun (Minari) mübarizə aparacaq.

Ən yaxşı aktor adına Entoni Hopkins, Çedvik Bouzman, Riz Ahmed, Qari Oldman, Stiven Yan, ən yaxşı aktrisa adına Keri Malliqan, Vanessa Kirbi Frensiz MakDormand, Andra Dey, Viola Devis namizəd irəli sürülüb.

Qeyd edək ki, 93-cü "Oskar" mükafatlarının təltifetmə mərasimi aprelin 25-də keçiriləcək.

pia.az