Son illər fəsillərin öz xüsusiyyətləinə uyğun olmaması, yayı yay kimi, qışı qış kimi yaşaya bilməmək insanlarda narahatlıq yaradıb
Havaların fəsilə uyğunsuzluğu isə hər il daha da artır.
AMEA-nın akademik Həsən Əliyev adına Coğrafiya İnstitutunun direktoru Ramiz Məmmədov “Report”a bildirib ki, havaların belə keçməsinə səbəb fövqəldövlətləri də narahat edən iqlim dəyişmələdirir: “Əvvəl bir qanunauyğunluq vardı ki, yay isti, qış isə soyuq olmalı idi. Artıq həmin qanunauyğunluqlar pozulub. İqlim dəyişməsi getdikcə daha da çoxalacaq. Hazırda müşahidə edilən hava ekstremal havadır. Belə halların sayı və diapazonu daha da artacaq. Məsələn, belə hallar əvvəl 5 manatlıq ziyan vururdusa, bundan sonra 15 manatlıq ziyan vuracaq. Buna görə də bütün ölkələr iqlim dəyişməsinə uyğun adaptasiya üçün müəyyən fəaliyyət həyata keçirirlər. Sonuncu dəfə bu proseslərin qarşısını almaq üçün fövqəldövlətlər Parisdə yığışdı. İqlim dəyişmələrində əsas günahkar ABŞ, Çin və Hindistandır. Çünki istehsalın əsas hissəsi bu dövlətlərin payına düşür. Amma istehsalın 37 faizini həyata keçirən ABŞ Paris sazişindən imtina etdi. Əsas dövlətlərdən də biri imtina etdikdən sonra nə mənası var?! Şərtlər təbii ki, havaya atılan karbon qazının miqdarını azaltmaq lazımdır. Bunun üçün də istehsal texnologiyaları dəyişməlidir. Hamısını dəyişdirmək üçün isə ABŞ-a milyard yox, trilyardlar lazımdır. Onun üçün də imtina etdi”.
pia.az
Digərxəbərlər
Populyar xəbərlər
