İsrailin Baş naziri Benyamin Netanyahu ölkələrin bir-birini rəsmən tanıyıb-tanımamasından asılı olmayaraq, Səudiyyə Ərəbistanı ilə iqtisadi və işgüzar əlaqələri dərinləşdirmək niyyətində olduğunu açıqlayıb...
Poliqon xəbər verir ki, İsrailin Baş naziri bu barədə Bloomberg Agentliyinə müsahibəsində deyib.
Netanyahu hesab edir ki, əgər İsrail və Səudiyyə Ərəbistanının “siyasi istəkləri” varsa, o zaman ölkələr münasibətləri normallaşdırmaq üçün “siyasi yol” tapa bilər. Onun fikrincə, İsrail və Səudiyyə Ərəbistanı arasında əməkdaşlıq investorlar üçün böyük iqtisadi nəticələrə səbəb olacaq.
Netanyahu İsrail və Səudiyyə Ərəbistanının bir-biri ilə əməkdaşlıqda həyata keçirə biləcəyi layihələr arasında Ərəbistan yarımadasından keçərək Avropaya gedən iqtisadi dəhlizini göstərib. Marşruta enerji, nəqliyyat və kommunikasiya texnologiyaları daxildir.
2022-ci ilin dekabrında Netanyahu Nazirlər Kabinetinin əsas vəzifələrindən birinin İsrail ilə ərəb dövlətləri arasında "sülh dairəsinin kəskin şəkildə genişləndirilməsi" olacağını deyib. 2023-cü il martın 10-da İran və Səudiyyə Ərəbistanı iki ay ərzində diplomatik münasibətləri bərpa etmək və səfirliklərini yenidən açmaq barədə razılığa gəliblər.
Poliqon.info
Digərxəbərlər
Populyar xəbərlər
