İspaniya Rusiyanın tarixi freqatını öz limanına buraxmaqdan imtina edib

Poliqon xəbər verir ki, bu barədə RİA Novosti-yə gəminin kapitanı Vladimir Martus bildirib.

Onun sözlərinə görə, İspaniyanın bütün limanlarına "Ştandart"ın limanlara daxil olmasını qadağan edən bildiriş göndərilib. Martus əlavə edib ki, freqat İspaniya sahillərindən beş yüz metr məsafədə lövbər salıb.

İyulun 23-də məlum olub ki, Fransa hakimiyyəti Rusiya gəmisinin Brest limanında yanalmağını qadağan edib. "Mor Glaz" dənizçilərə yardım assosiasiyasının rəhbəri Jan-Pol Elkan bildirib ki, "Ştandard"ın ekipajında ​​tezliklə su tükənəcək.

Assosiasiya rəhbərinin sözlərinə görə, Rusiya freqatının Brest limanında dayanmaqdan imtina etməsi Fransanın zəifliyini nümayiş etdirir, çünki o, Brüsselin ardınca gedir. Elkan əlavə edib ki, ölkənin çox az gücü qalıb və indi bu kimi məsələlər Avropa İttifaqı (Aİ) tərəfindən həll edilir.

İyunun 21-də bildirildi ki, Aİ Rusiyaya qarşı yeni sanksiyalar çərçivəsində 27 yük gəmisinə qarşı sanksiya tətbiq etməyə hazırlaşır, onlardan 11-i Rusiya Federasiyasında qeydiyyatdadır. "Krasnoyarsk", "Yenisey", "Krımsk", "Kalininqrad", "Kemerovo", "Koryak FSU", "Lady R", "Maia-1", "M/V Angara", "M/V Maria" və "Saam FSU" gəmiləri məhdudlaşdırıcı tədbirlərə məruz qalacaq.

Poliqon.info