İsmayıllıda torpaq sürüşməsi olub, əraziyə baxış keçirilib - Yenilənib

İsmayıllı rayonu Basqal kənd icra nümayəndəsi Novruz Əsədov qeyd edilən hadisə ilə bağlı "Report"un yerli bürosuna açıqlamasında yolun mövcud vəziyyətindən xəbərdar olduqlarını bildirib.

Onun sözlərinə görə, İsmayıllı rayon 9 saylı Yol-İstismar İdarəsinin əməkdaşları torpaq sürüşməsi olan yola baxış keçiriblər və vəziyyəti qiymətləndiriblər.

İcra nümayəndəsi əlavə edib ki, yolda yaranan problem yaxın günlərdə aidiyyəti qurum tərəfindən aradan qaldırılacaq.

***

Poliqon oxu.az-a istinadən xəbər verir ki, avtomobillər yolun bir hissəsi ilə hərəkət edirlər. Sürücülər yolun daha da təhlükəli ola biləcəyindən narahatdırlar.

Kənd sakinlərinin oxu.az-a verdikləri məlumata görə, Basqal yolunda torpaq sürüşməsinin artıq bir müddətdir baş verməsinə baxmayaraq, hələ də tədbir görülməyib.

Poliqon.info