Oktyabrın 7-də Fələstinin HƏMAS hərəkatının ölkəyə hücumu zamanı İsrail hərbçilərinin kifayət qədər qüvvəsi və silahı olmayıb, lazımi mövqelərdə yerləşməyib, təşkilatlanma problemi olub...
Poliqon xəbər verir ki, bu barədə hadisələrlə bağlı öz araşdırması aparan The New York Times qəzeti yazıb.
Nəşrin mənbələrinin bildirdiyinə görə, İsrail hərbçilərinin belə bir hücuma necə cavab verəcəyi ilə bağlı planı olmayıb. Qəzet qeyd edir ki, İsrail Müdafiə Qüvvələri hadisə yerinə çatmaq üçün yolda çox vaxt itirib. Bunu İsrailin üç yüksək rütbəli hərbçisi təsdiqləyib.
Həmçinin, HƏMAS-ın hücumu zamanı İsrail ordusu hərbi səhv hesablamalara yol verib.
İsrail ehtiyatında olan general-mayor və silahlı qüvvələrin Cənub Komandanlığının keçmiş rəhbəri Yom Tov Samiya hesab edir ki, ordunun belə bir əməliyyatı həyata keçirmək üçün lazımi hazırlığı və avadanlıqları yox idi.
Baş nazir Benyamin Netanyahunun keçmiş milli təhlükəsizlik müşaviri Yaakov Amidror İsrail ordusunun "mümkün olmayan şeylərə hazırlaşmadığına" işarə edib.
İDF qəzetin sorğusuna cavab olaraq belə məsələlərə sonradan baxılacağını bildirib.
Poliqon.info
Digərxəbərlər
Populyar xəbərlər
