İranın xarici işlər naziri vəzifəsini icra edən Əli Baqiri Qani Fələstin HƏMAS siyasi bürosunun rəhbəri İsmayıl Haniyənin Tehranda öldürülməsinə görə İsrailin məsuliyyət daşıyacağı ilə bağlı xəbərdarlıq edib...
Poliqon xəbər verir ki, Əli Baqiri Qani İordaniyanın baş nazirinin müavini və xarici işlər naziri Ayman əs-Səfədi ilə görüşündə bu fikri səsləndirib.
“Təhlükəsizlik sektorunda qəddar davranışın dəhşətli nəticələri olduğunu başa düşmək üçün İsrail qəti və sərt cavab almalıdır”, Qani İordaniyadan olan həmkarı ilə Tehranda baş tutan görüşündə deyib.
Qeyd edək ki, daha əvvəl “The Wall Street Journal” mənbələrə istinadən yazıb ki, İran Haniyyənin qətlinə münasibətini yumşaltmaqdan imtina edib və yəhudi dövlətinə cavab vermək niyyətindədir. Nəşrin yazdığına görə, ABŞ və ərəb ölkələri İslam Respublikasını mövqeyini yumşaltmağa razı salmağa çalışıblar. Bununla belə, İran liderləri hərəkətləri müharibəyə səbəb olsa belə, qisas alacaqlarına and içiblər.
Poliqon.info
Digərxəbərlər
Populyar xəbərlər
