Britaniya, Fransa və Almaniyadan Yaxın Şərqlə bağlı İrana çağırış

Poliqon xəbər verir ki, bu barədə liderlərin bazar ertəsi dərc olunmuş birgə bəyanatında deyilir.

Üç ölkənin liderləri Qətər, Misir və ABŞ-dakı tərəfdaşların atəşkəs və girovların azad edilməsi ilə bağlı razılaşma əldə etmək səylərini alqışlayıblar və İsraillə HƏMAS arasında danışıqların bərpasında daha da gecikdirilməməsinə çağırıblar.

"Biz gərginliyin qarşısını almaq üçün bütün tərəflərlə işləyirik və gərginliyi azaltmaq və sabitliyə aparan yol tapmaq üçün hər cür səy göstərəcəyik. Hərbi əməliyyatlar dərhal dayandırılmalı və HƏMAS-ın hələ də saxladığı bütün girovlar azad edilməlidir. Qəzza xalqının təcili və maneəsiz yardımın çatdırılmasına və paylanmasına ehtiyacı var", deyə bəyanatda bildirilir.

Böyük Britaniya, Fransa və Almaniya liderləri regionda artan gərginlikdən narahat olduqlarını bildiriblər və gərginliyin azaldılması və regional sabitliyin tərəfdarı olduqlarını bildiriblər. Onlar vurğulayıblar ki, İran bundan sonrakı hərəkətlərinə görə məsuliyyət daşıyacaq.

"Bu kontekstdə, xüsusilə də, biz İranı və onun müttəfiqlərini regional gərginliyin daha da artmasına səbəb ola biləcək və atəşkəs və girovların azad edilməsi ilə bağlı danışıqların mümkünlüyünü təhlükə altına sala biləcək hücumlardan çəkinməyə çağırırıq. Onlar sülh və sabitlik üçün bu fürsəti təhlükə altına qoyan hərəkətlərə görə cavab verəcəklər. Yaxın Şərqdə daha da gərginləşmədən heç bir ölkə və ya xalq fayda görməyəcək", deyə bəyanatda vurğulanır.

Qüyd edək ki, iyulun 31-də HƏMAS lideri İsmayıl Haniyənin Tehranda öldürülməsindən sonra Yaxın Şərq regionunda gərginlik artıb. İran HƏMAS-ın siyasi liderinin öldürülməsinə görə cavab vermək niyyətində olduğunu açıqlayıb və bunu İsraili günahlandırıb. Nəticədə İsrailin Qəzzada HƏMAS-a qarşı apardığı müharibənin genişmiqyaslı münaqişəyə çevrilə biləcəyi ilə bağlı qorxular artır.

Poliqon.info