Avstraliyanın müttəfiqi hesab etdiyi bir neçə ölkə onun daxili işlərinə fəal şəkildə müdaxilə edir...
Poliqon xəbər verir ki, bu barədə Avstraliyanın daxili kəşfiyyatının rəhbəri Mayk Burqess ABC News telekanalına müsahibəsində bildirib.
Burqess vurğulayıb ki, bu vəziyyət Avstraliya vətəndaşları üçün təhlükə yaradır, çünki bu ölkələr arasında onların dostluq münasibətlərində olduğu ölkələr də var.
"Biz ən azı üç və ya dörd ölkənin Avstraliya icmalarının işlərinə müdaxiləsini qeydə almışıq. Bəziləri sizi təəccübləndirə bilər, çünki onlar bizim tərəfdaşlarımızdır", deyə Burqess bildirib.
Avstraliyanın daxili kəşfiyyatının rəhbəri həmçinin xəbərdarlıq edib ki, bu cür hərəkətlər davam edərsə, bu ölkələrin siyahısını açıqlamaq və ictimaiyyətə müraciət etmək məcburiyyətində qalacaq.
Xatırladaq ki, Avstraliya Böyük Britaniya və ABŞ ilə birlikdə AUKUS müdafiə alyansının bir hissəsidir. O, həmçinin ABŞ, Yaponiya və Hindistanla birlikdə QUAD Dördtərəfli Təhlükəsizlik Dialoqunun üzvüdür.
Poliqon.info