ABŞ husilərdən Qırmızı dənizdə ticarət gəmilərini atəşə tutmağı dayandırmağı tələb etmək üçün Çindən İrana təsir göstərməsini istəyib, lakin Pekindən kömək gəlməyib...
Poliqon xəbər verir ki, bu barədə Financial Times qəzeti amerikalı rəsmilərə istinadən yazıb.
Qəzetin yazdığına görə, son üç ayda Vaşinqton dəfələrlə yüksək çinli məmurlardan Yəmən husilərinə təsir etmək istəyi və Yaxın Şərqdə gərginliyin yolverilməzliyi ilə bağlı İrana xəbərdarlıq etməyi xahiş edib.
FT-nın məlumatına görə, xüsusilə ABŞ prezidentinin milli təhlükəsizlik üzrə köməkçisi Ceyk Sallivan, onun müavini Conatan Fayner və dövlət katibi Entoni Blinken bu məsələni Çin tərəfi ilə müzakirə ediblər.
Bununla belə, Vaşinqton rəsmiləri Pekinin Qırmızı dənizdə təhlükəsizliyə çağırış bəyanatından başqa, Çinin onların xahişi ilə İrana təsir göstərməyə çalışdığına dair heç bir dəlil görməyiblər.
Qəzza zolağında İsrail və HƏMAS arasında müharibənin fonunda Yəmənin husi üsyançıları 2023-cü ilin oktyabr ayının əvvəlində Qırmızı dənizdə ticarət və hərbi gəmilərə hücum etməyə başlayıblar. Bu məqsədlər üçün pilotsuz təyyarələr və raketlərdən istifadə olunur.
Husilər deyirlər ki, onlar yalnız İsrail limanlarına üz tutan və ya sahiblərinin İsraillə əlaqəsi olan gəmiləri hədəf alırlar. Lakin onların hərəkətləri beynəlxalq daşımalara mane olmağa başlayıb.
Poliqon.info
Digərxəbərlər
Populyar xəbərlər
