Türkiyə prezidenti Rəcəb Tayyib Ərdoğan bildirib ki, amerikalı həmkarı Co Bayden ona Ankaraya F-16 qırıcılarının tədarükü məsələsini 3-4 həftə ərzində həll edəcəyinə söz verib...
Poliqon xəbər verir ki, Türkiyə prezidenti bu barədə Alyansın sammitindən sonra keçirilən mətbuat konfransında bildirib. Ərdoğanın sözlərinə görə, amerikalı həmkarı ilə son iki gün ərzində Vaşinqtonda keçirilən NATO sammiti çərçivəsində bu məsələni müzakirə edib.
“Cənab Baydenlə dünən axşam və bu gün danışdıq. O, F-16-ların tədarükünün üç-dörd həftəyə həll edəcəyinə söz verdi. Mən bu gün ayrılarkən ona bir daha xatırlatdım. Ehtiyat hissələri məsələsi də bizim öz aramızda müzakirə etdiyimiz məsələdir”, deyə cənab Ərdoğan bildirib.
Xatırladaq ki, Türkiyə 2021-ci ildən bəri ABŞ-dan F-16 qırıcıları almaq istəyir. Bu ilin fevral ayında ABŞ Konqresi Türkiyəyə 40 ədəd F-16 qırıcısının satışını təsdiqləyib.
Türkiyənin “Hürriyyət” qəzeti isə F-16-ların tədarükünün çoxlu sayda sifariş səbəbindən 2028-ci ilə qədər təxirə salına biləcəyini yazıb.
Poiqon.info
Digərxəbərlər
Populyar xəbərlər
