Venesuela Baş Prokurorluğu müxalifət nümayəndələrinə qarşı istintaqa başlayıb...
Venesuela Baş Prokurorluğu prezidentliyə namizəd Edmundo Qonzales və müxalifət lideri Korina Maçado haqqında qiyamın qızışdırılmasında maddəsi ilə cinayət işi açıb.
Poliqon xəbər verir ki, bu barədə ölkənin baş prokuroru Tarek Uilyam Saab X sosial şəbəkəsində məlumat verib.
Saab cinayət təhqiqatının başlanmasına səbəb kimi Qonzales və Maçadonun prezident seçkilərinin qalibini Milli Seçki Şurasının elan etdiyi şəxsdən başqa bir şəxs adlandırdıqları ifadələri ilə izah edib. Bundan əlavə, Baş prokurora görə, müxalifət liderləri polis və hərbçiləri qanunlara tabe olmamağa çağırıblar.
Qeyd edək ki, Venesuelada Nikolas Maduronun prezident seçkilərində qələbə qazanmasından sonra kütləvi etirazlar geniş vüsət alır. Toqquşmalar müxalifətin səsvermənin nəticələrindən narazılığı səbəbindən başlayıb.
Qeyd edək ki, Avropa İttifaqının yeddi ölkəsi, İspaniya, Portuqaliya, İtaliya, Fransa, Almaniya, Hollandiya və Polşa Venesuela hakimiyyətini prezident seçkilərinin protokollarını dərc etməyə çağırıb.
Poliqon.info
Digərxəbərlər
Populyar xəbərlər
