Ermənistanın Baş naziri Nikol Paşinyanın müttəfiqlərinə hədə mesajı gəlib...
Poliqon xəbər verir ki, bu barədə Ermənistanın "Hraparak" qəzeti yazıb.
Nəşr qeyd edir ki, bu hadisə hakim "Vətəndaş Sazişi" Partiyasının ofisinin və eyni adlı fraksiya deputatlarından birinin evində partlayıcının qoyulmasından əvvəl baş verib.
Fevralın 26-da İstintaq Komitəsi "Vətəndaş Sazişi" Partiyasının Gülbenkyan, 30/3 ünvanında yerləşən ofislərindən birində partlayıcı qurğuya oxşar əşya aşkar edildikdən sonra cinayət işinin başlandığını elan edib. Bundan əvvəl oxşar əşya deputat Qurgen Arsenyanın ofisinin yerləşdiyi Gülbenkyan, 33 ünvanında tapılıb.
Nəşrlə söhbətində Qurgen Arsenyan təsdiqləyib ki, o və Romanos Petrosyan (Dövlət Nəzarəti Xidmətinin rəhbəri) aşağıdakı məzmunda SMS alıblar: "Sən hələ partlamamısan?"
Arsenyan mesajı silib, Petrosyan isə Milli Təhlükəsizlik Xidməti ilə əlaqə saxlayıb.
Bundan başqa, məlum olub ki, iki həftə əvvəl "Vətəndaş Sazişi" Partiyasından olan deputat Qaqik Melkonyanın evinin daş hasarının yaxınlığında kiçik partlayış baş verib və nəticədə maddi ziyan dəyib.
Poliqon.info
Digərxəbərlər
Populyar xəbərlər
