Gürcüstan Rusiyaya qarşı sanksiyalar tətbiq etməməsinin səbəbini açıqlayıb

Poliqon xəbər verir ki, bunu Gürcüstan parlamentinin sədri Şalva Papuaşvili brifinqdə deyib.

"Belə qeyri-ciddi və ehtiyatsız siyasətin hansı nəticəyə gətirib çıxaracağı iqtisadçılar tərəfindən ətraflı hesablanıb. 2022-ci ildə 10%-lik iqtisadi artım əvəzinə, Gürcüstanda 17%-ə qədər iqtisadi tənəzzül olacaqdı ki, bu da 18 milyard lari (6,6 milyard dollardan çox) məbləğində zərərə bərabərdir. Nəticədə, dağılmış iqtisadiyyata bərabər olan koronavirus pandemiyası zamanında üç dəfə çox iqtisadi zərbə almış olardıq", deyə Papuaşvili müxalifətin tələblərini şərh edib.

2022-ci il fevralın 25-də Gürcüstanın o zamankı baş naziri İrakli Qaribaşvili Rusiyaya qarşı sanksiyalar tətbiq etməyi planlaşdırmadığını bəyan edərək, bunu milli maraqlarla izah edib. Eyni zamanda, Gürcüstan hakimiyyəti dəfələrlə bəyan edib ki, ölkə sanksiyalardan öz ərazisindən yan keçməyə imkan verməyəcək. Gürcüstanın Maliyyə Nazirliyi sanksiyalara məruz qalan mallara və fiziki şəxslərə nəzarət edən xüsusi qrup yaradıb.

Poliqon.info